+24 °С
Ямғыр
Яңылыҡтар таҫмаһы
15 Июнь 2023, 08:30
Риелтор уяулыҡ күрһәтмәһә, ҡатын урамда тороп ҡалыр ине
Туймазы районында йәшәгән 40 йәшлек ҡатын мутлашыусылар тоҙағына ҡапҡан: бер нисә банктан кредиттар алып, 630 мең һумды "хәүефһеҙ" иҫәптәргә күсергән. Оятһыҙ бәндәләр шунан һуң да уны тыныслыҡта ҡалдырмай, аферистар һине мөлкәтеңдән яҙҙырырға уйлай, быға юл ҡуймаҫ өсөн фатирыңды һатып, аҡсаны "ышаныслы" иҫәпкә һалырға кәрәк, тип ышандырған.
Риелтор уяулыҡ күрһәтмәһә, ҡатын урамда тороп ҡалыр ине
Һуңынан фатирыңды кире ҡайтара аласаҡһың, тигәнгә ихлас ышанған ҡатын урындағы күсемһеҙ милек агентлығына мөрәжәғәт итеп, агент менән эшләй башлаған. Риелтор һатып алыусыларҙы тиҙ таба, ләкин килешеүҙе төҙөргә ҡабаланмай. Үҙен бик сәйер тотҡан, сәбәбен аңлатмайынса килешеү төҙөүҙе ашыҡтырған ҡатын уны шиккә һала. Фатир хужабикәһе менән һөйләшә торғас, уның бәләгә тарыуын - муттар менән аралашыуын асыҡлай. Шунда уҡ фатир һатыу процесын туҡтатып, улар икәүләп полицияға мөрәжәғәт иткән. Тәфтиш бүлеге әлеге осраҡ буйынса енәйәт эшен ҡуҙғатҡан.
Һаҡ булығыҙ, дуҫтар! Яттарға ышанмағыҙ!
Фото: асыҡ сығанаҡтарҙан.
