Өфөлә яңы поликлиника сафҡа инде

 Төҙөлөштөң хаҡы ҡорамалдар менән бергә яҡынса 2 миллиард һум тәшкил итә. Медицина учреждениеһы составына 6-сы балалар поликлиникаһы филиалы һәм ҡатын-ҡыҙҙар консультацияһы ингән.

Радий Хәбиров регистратура, участка терапевы кабинеты, процедура һәм стоматология кабинеты эше менән танышты, операция бүлмәһен, УЗИ, функциональ диагностика, гастроскопия кабинеттарын ҡараны. Поликлиника яңы медицина ҡорамалдары, шул иҫәптән КТ, маммограф, рентген, эксперт кимәлендәге УЗИ, эндоскопия ҡорамалдары, оториноларинголог, офтальмолог һәм башҡа белгестәр өсөн ҡорамалдар менән йыһазландырылған. Дауалау учреждениеһында  стоматология кабинеты һәм дарыухана пункты, шул иҫәптән льготалы дарыуҙар менән тәьмин итеү өсөн эшләй.

9-сы дауахананың баш табибы Марсель Зарипов һөйләүенсә, бинаның майҙаны 13,3 мең квадрат метр тәшкил итә.Бында Өфө ҡалаһының Ленин районында йәшәүсе 41 мең кешегә - 26 мең өлкән кешегә һәм 15 мең балаға табип ярҙамы күрһәтеләсәк.

 «Киләсәктә поликлиникаға Өфө районынан яҡында йәшәгән 37 мең кешене беркетергә ниәтләйбеҙ. Поликлиниканың сменаһына 900 кешене ҡабул итә ала: 400-ө - өлкәндәр блогында, 350-һе - балалар блогында һәм 150-һе - ҡатын-ҡыҙҙар консультацияһында. Бина функцияһы буйынса айырым инеү урыны булған өс блоктан тора. Табиптарҙың кабинеттарын урынлаштырыу һәм дөйөм планлаштырыу сираттарҙың барлыҡҡа килеү ихтималлығын кәметеү һәм ҡабул итеүҙе көтөүҙе уңайлы итеү өсөн мөмкин булған пациенттарҙың һанын иҫәпкә ала», - тип  баш табип.

Волга буйы федераль округының «Менталь һаулыҡ» йәмәғәт проекты сиктәрендә балалар поликлиникаһында аутистик спектры боҙолған һәм башҡа менталь боҙолған балаларҙа соматик патологияны диагностикалау һәм дауалау ойоштороласаҡ.