+22 °С
Ямғыр
Яңылыҡтар таҫмаһы
16 Май 2023, 08:54
Башҡортостандың мәшғүллек үҙәктәре берләштерелә
Был эш «Демография» милли проекты буйынса башҡарыла.
Башҡортостандың мәшғүллек үҙәктәре берләштерелә
Башҡортостандың район-ҡалаларының мәшғүллек үҙәктәре бер системаға берләштерелә. Берләштереүҙең тәүге этабы быйыл ғинуарҙа тамамланған - Өфө районы мәшғүллек үҙәктәре берләштерелгән.
— Был эште оптималләштерергә һәм мәшғүллек өлкәһендәге мәсьәләләрҙе тиҙ арала хәл итергә ярҙам итәсәк. Һөҙөмтәлә күрһәтелгән хеҙмәттәрҙең сифаты һәм һаны күтәреләсәк. Яңырыу помещениеларға ремонт яһау менән генә сикләнмәй. Бөтә мәшғүллек системаһы үҙгәртеләсәк. Беҙ яңы кимәлгә сығабыҙ һәм заманса кадрҙар үҙәгенә әүереләсәкбеҙ, — тип белдерҙе Ленара Иванова.
Өс йыл элек башланған модернизация үҙ эсенә 7 йүнәлеште ала: берҙәм стандарттар, мәшғүллек үҙәге белгестәрен уҡытыу, хеҙмәтте һанлаштырыу, клиентҡа адреслы ярҙам, офистарҙы йыһазландырыу, хеҙмәттәр һәм сервисттар линейкаһын киңәйтеү, мәсьәләләрҙе комплекслы хәл итеү.
