Бөтә Рәсәй инвестиция һабантуйының иң мөһим биш проекты

 "Башинформ" агентлығы ТОП-5 проектты һанаған.

1-се проект - Көньяҡ-көнсығыш райондарҙың 2030 йылға тиклем үҫеш стратегияһы.

Уны дүртенсе форумда презентациялағандар. Проекттың бөтә сараларын ғәмәлгә ашырыуға 175,7 млрд һум аҡса йүнәлтелә. 

2-се проект - Сибайҙа ПС - 500 электро подстанцияһы төҙөү. Ул 2025 йылға әҙер буласаҡ.

3-сө проект - Сибай - Сара тимер юлын һалыу. Был проект Башҡортостандың транспорт инфраструктураһын үҫтереүҙә мөһим урын биләй.

4-се проект - Сибай филармонияһын тергеҙеү. 2021 йылда яңыртылғандан һуң асылған. Беләһегеҙ, бина янғында ҙур зыян күргәйне. Хәҙер ул юғары кимәлдәге сараларҙы ла үткәреү мөмкинлегенә эйә.

5-се проект - "Ҡаҙ һәм бал" гастрономик фестивале. Уны 2020 йылда инвестһабантуйҙа үткәрҙеләр. Хәҙер ул - Сибайҙың йөҙөй ҡашы.

Бөтә Рәсәй "Зауралье" Инвестиция һабантуйында барлыҡҡа килгән мөһим проекттар күп әле.

Фото: "Башинформ".