+22 °С
Ямғыр
Яңылыҡтар таҫмаһы
12 Май 2023, 18:30
Башҡортостан Дәүләт автоинспекцияһының чат-боты бар
Телеграм-каналдағы Башҡортостан Дәүләт автоинспекцияһының чат-боты аша юл хәрәкәте ҡағиҙәләрен тупаҫ боҙоу осраҡтары, шул иҫәптән иҫерек водителдәрҙең йәки йәйәүлеләрҙең дә ошондай ҡылыҡтары тураһында хәбәр итергә мөмкин.
Башҡортостан Дәүләт автоинспекцияһының чат-боты бар
Мөрәжәғәттә закон боҙоу урыны хаҡында мәғлүмәтте, адресын, автомобилдең дәүләт номерын һәм уның хәрәкәт итеү маршрутын күрһәтергә, ваҡиғаны һүрәтләргә һәм фото йәки видео һалырға кәрәк.
Чат-ботҡа һылтанма: https://t.me/GIBDDRB_02bot
Иғтибар итегеҙ, чат-ботҡа килгән ғаризалар, мөрәжәғәттәр һәм һорауҙар рәсми тип һаналмай.
Был чатта аноним хәбәр ҙә ҡалдырырға була.
Рәсми мөрәжәғәттәр өсөн Дәүләт автоинспекцияһы сайтын файҙаланырға кәрәк: гибдд.рф/request_main – «Мөрәжәғәттәр ҡабул итеү» бүлеге.
Шулай уҡ Башҡортостан Республикаһы буйынса Эске эштәр министрлығының юл хәрәкәте ҡағиҙәләрен боҙоу осраҡтары тураһында хәбәрҙәр ҡабул иткән ҡыҙыу линияһы ла тәүлек әйләнәһенә эшләй: 8 (347) 279 32 92.
Уяу булығыҙ!
#Аңлатабыҙ_Башҡортостан
Фото: асыҡ сығанаҡтарҙан.
