Май байрамдарында 23 урында урман янған

Утта ике кешенең ғүмере өҙөлгән. Был хаҡта республиканың Ғәҙәттән тыш хәлдәр буйынса дәүләт комитеты рәйесе Фәрит Ғүмәров ЦУР-ҙа БР Хөкүмәтенең оператив кәңәшмәһендә белдерҙе.

 Урмандарҙа янғын сығыу майҙаны 500 гектарҙан ашыу тәшкил иткән . Тораҡ пункттарға хәүеф янамай. Бынан тыш, 2 – 9 майҙа 280 гектарҙа ҡоро үлән арҡаһында 131 янғын теркәлгән.

  «Ка-32 вертолеты Краснокама районында - ландшафт янғынын, Учалы районында - урман янғынын һәм Иглин районында техноген янғынды һүндереүгә йәлеп ителде», – тип билдәләне Фәрит Ғүмәров.

Беҙҙең 50 ҡотҡарыусынан торған  50  кеше аэромобиль төркөм 7 майҙа  Ҡурған өлкәһенә янғын һүндереүгә ебәрелгән.