Республикала йәшәүселәрҙе хәүефле күренештәр хаҡында иҫкәртәләр

Атап әйткәндә, ҡайһы бер көньяҡ райондарҙа ғәҙәттән тыш янғын хәүефе һаҡлана, ә төньяҡ-көнсығыш райондарҙа һауала һәм тупраҡ өҫтөндә 0-5 градусҡа һалҡынайтып ҡырау төшөүе фаразлана.
Бөгөн киске сәғәт 8-ҙән 8 майға киске 8-гә тиклем аяҙлы-болотло булыуы көтөлә. Яуым-төшөмһөҙ, республиканың көньяғында ғына бер аҙ ямғыр яуасаҡ. Ел төньяҡ-көнбайыштан, төньяҡтан секундына 5-10 метр тиҙлектә иҫәсәк, урыны менән секундына 14 метрға етәсәк. Һауа температураһы төндә - 0-5 градус, урыны менән - һауала һәм тупраҡ өҫтөндә 0,-5, көндөҙ 10-15 градус йылы. Төндә һәм иртән автомобиль юлдарының айырым участкаларында томан төшөүе фаразлана. Күреү мөмкинлеге - 500-1000 метрҙан.

Фото: Т. Аманов