Гиннесс рекордтары китабына ингән йөҙйәшәр хирургтан бер нисә кәңәш

Рекордтар китабына Углов Европала эшләп йөрөүсе иң ҡарт хирург булараҡ индерелгән.

Кәңәштәрен ҡарайыҡ:

Хәрәкәт етмәү – һаулыҡтың иң төп дошманы. Күп ҡыбырлайбыҙ, күп уйлайбыҙ.

Тәмәке менән алкоголь – дошман!

Самалап ашарға.

Тәүлегенә кәм тигәндә ете сәғәт йоҡларға.

Хирургтың “тормоштоң бөтә осрағына диета”һы менән танышайыҡ:

Иртәнге аш – ҡара сәй йәки тәбиғи ҡәһүә. Шәкәрһеҙ! Шунан бер бешкән йомортҡа, һигеҙ бөртөк ҡара емеш (кистән һыуға һалып ҡуйығыҙ).

Төшкө аш – 200 г бешкән тауыҡ ите йә балыҡ. Майһыҙ! 100 г кәбеҫтә (бешкәне лә ярай, уны кишергә алмаштырһағыҙ ҙа була).

Төштән һуң – 30 г ҡаты сыр, алма йә әфлисун ашарға мөмкин.

Киске аш – бер стакан кефир йә әсегән һөт.

Был диетаны 10 көн тотҡандан һуң һөҙөмтәһен күрерһегеҙ.