Быйыл өс һыуһаҡлағыста автоматик гидропостар барлыҡҡа килде

 Төбәк халҡы һыу күтәрелеүен онлайнда БР Ғәҙәттән тыш хәлдәр буйынса дәүләт комитетының сайтында күҙәтә аласаҡ: http://portal.introgis.com/CoGIS/FloodRB#

Ведомство рәйесенең беренсе урынбаҫары Кирилл Первов бөгөн "Сәләм" тапшырыуында тура эфирҙа ЦУР-ҙан һыу ташыуға бәйле мәғлүмәт менән таныштырҙы. 

4 апрелгә ҡарата Башҡортостандың 9 район-ҡалаһында 10 һыу баҫыу теркәлгән:

- Сибай, Өфө ҡалаларында («Альбатрос», «Козарез» баҡсасылыҡ ширҡәттәре),

- Баймаҡ, Белорет, Бишбүләк, Иглин, Күгәрсен, Көйөргәҙе, Миәкә райондары,

- 6 юл участогы, 3 күпер, 1 гидротехник ҡоролма.

Тәүлек эсендә һыу ныҡ күтәрелгән йылғалар:

1. Ҡариҙел йылғаһы (Благовещен районының Ухман ауылы янында), 325 см кимәлгә барып еткән (+ 56 см, хәүефле кимәле – 1072 см)

2. Ҡариҙел йылғаһы (Благовещен районының Ахлыстин ауылы янында), һыу кимәле 333 см тәшкил иткән (+ 52 см, хәүефле кимәле – 1078 см)

Ашығыс хеҙмәттәрҙе саҡырыу телефоны – 112.