+21 °С
Болотло
Яңылыҡтар таҫмаһы
26 Март 2023, 10:40
Социаль йүнәлештә эшләүсе эшҡыуарҙар арта
Башҡортостандың Эшҡыуарлыҡ һәм туризм министрлығы бәләкәй һәм урта эшҡыуарлыҡ субъекттарынан уларҙы социаль предприятие тип таныу тураһында ғаризалар ҡабул итә. Ғинуарҙан 21 мартҡа тиклем 235 ғариза килгән. Был, үткән йылғы ошо осор менән сағыштырғанда, дүрт тапҡырға күберәк.
Социаль йүнәлештә эшләүсе эшҡыуарҙар арта
Әйткәндәй, социаль предприятие булараҡ раҫлау буйынса документтар 1 июнгәсә ҡабул ителә. Ошо статусты алған бәләкәй һәм урта эшҡыуарлыҡ вәкилдәренә байтаҡ ярҙам сараһы бар. Мәҫәлән, дәүләт йә муниципаль милекте ҡуртымға алғанда льготалар, гранттар, микрокредит программаһы буйынса минималь процент. Һәр хәлдә социаль предприяти булараҡ эшләргә теләүсе бизнесмендар һаны йылдан-йыл арта.
Былтыр 147 социаль эшҡыуар дөйөм суммаһы 71 миллион һумдан ашыу булған грант отҡан. Быйыл шундай ярҙам "Бәләкәй һәм урта эшҡыуарлыҡ һәм шәхси башланғыстарға булышлыҡ итеү" милли проекты буйынса күрһәтелә.
Фото: БР Эшҡыуарлыҡ һәм туризм министрлығы сайтынан.
