ЯҘҘЫ БҮЛӘК ИТӘМ ӘЛЕ ҺИҢӘ

Яҙҙы бүләк итәм әле һиңә Асылырға торған бөрөләр  Ҡояш нуры төшмәҫ бер мәлдә лә  Яҙ һауаһын нығыраҡ бөркөрләр. Үҙәндәрҙең иркен бүләк итәм.  Иләҫ-миләҫ иҫкән елдәрҙе.  Зифа талдар ҡосоп һыйындырған,  Турғай һуҙған талғын көйҙәрҙе. Шаян тамсыларҙың түбәләрҙән  Бер-бер артлы һикереп бейеүен,  Боҙҙан арыныуға һөйөнөп туймаҫ  Йылғаларҙың шарлап көлөүен. Ләйсән ямғырҙарҙы буләк итәм,  Гөрләүектәр йыуған тауҙарҙы,  Ҡар һыуҙары оҙатҡан инеш буйын..  Беләм - яратаһың уларҙы. Бүләк итәм ҡамыш һыҙғырғанын,  Киң болондо, ауылым таңдарын,  Көтөүсенең дәртле йырлауҙарын,  Сыбыртҡының ғорур яңғ(ы)рауын.... Яҙҙы бүләк итәм әле һиңә... РенатҒәлиәсҡар

ЯҘҘЫ БҮЛӘК ИТӘМ ӘЛЕ ҺИҢӘ