Шок! Мәктәп бинаһы сарлағынан иҫерек ирҙе саҡ сығарғандар!

Һаҡсылар, ғәҙәттәгесә, иртән эшкә тотона, балалар дәрескә иртәнге сәғәт 8-ҙә килә башлай.

«Ир мәктәпкә иҫерек килеш килеп инә.Яҡынса фараздар буйынса, ул сарлаҡта ҡасып ултырған. Мәктәпкә сит ирҙең ингәнен иртәнге сәғәт 7-лә асыҡлайҙар. Ә балаларҙы көндөҙгө  11 сәғәттә генә  эвакуациялайҙар. Өс сәғәт буйына уҡыусылар билдәһеҙ кеше менән бер бинала була», – тип зарлана уҡыусыларҙың ата-әсәһе.

Ата-әсәләр ни өсөн сигнализацияның эшләмәүен һорай. Шулай уҡ улар, хәүефһеҙлек системаһын ҡайтанан ҡарарға кәрәк, тиҙәр.

«Мин класс етәксеһенән хәлдең нисек икәнен һораным? Ул, «барыһы ла һәйбәт», тип яуап бирҙе. Ә әгәр ул ҡоралланған йәки планлаштырылған теракт булһа? Ата-әсәләр балаларын нимә өсөн эвакуацияланғанын белергә тейеш”.

Был хәл буйынса мәктәп етәкселеге һәм ҡала хакимиәте комментарий бирмәй. Унда, рәсми аңлатма һуңғараҡ биреләсәк, тип яуаплайҙар.

Фото: Т. Аманов