Белем алыуға сертификаттар тапшырыла

Беренсе булып ошо документты Бөрөнән махсус хәрби операцияла ҡатнашыусылар һәм уларҙың ғаилә ағзалары алды. Был хаҡта социаль селтәрҙә Башҡортостан Хөкүмәте Премьер-министры Андрей Назаров хәбәр итте. Быйыл финансланған 700 сертификаттың 200-ө ошо категорияға ҡараған граждандар өсөн бүленгән.

Ҡалғаны мәшғүллек үҙәктәрендә иҫәптә торғандар, декрет ялындағы ҡатын-ҡыҙҙар, эшен дауам итергә теләгән пенсионерҙар өсөн тәғәйенләнгән.

Сертификаттың хаҡы ике тапҡырға артҡан һәм хәҙер 20 мең һум тәшкил итә. Махсус хәрби операцияла ҡатнашыусылар һәм уларҙың ғаилә ағзалары өсөн сумма күберәк — 50 мең һум. Был аҡсаны һөнәри йәки өҫтәмә һөнәри белем алыуға тотонорға мөмкин.