Өфө янындағы ике баҡсасылыҡ ширҡәтендә бик ҡурҡыныс хәл теркәлгән!

Был ике кеше йәшәгән тораҡта БР Башлығы Радий Хәбировтың указына ярашлы хайуандар ҡотороуы сире буйынса карантин индерелде. Документ төбәктең хоҡуҡ мәғлүмәт интернет-порталына һалынған.

Карантин 1 марттан алып эпизоотик усаҡта һәм дача ҡасабалары сиктәрендә иғлан ителгән. Хәҙер бында сирле хайуандарҙы дауалау, үләкһәләренең тиреһен тунау, сит кешеләрҙең килеүе, эт-бесәйҙәрҙе сығарыу/индереү, күргәҙмәләрен ойоштороу тыйыла.