Рәсәй Хөкүмәте ҡарамағындағы Аналитик үҙәк менән килешеү төҙөлдө

БР һәм РФ Хөкүмәте араһында Рәсәй Хөкүмәте ҡарамағындағы Аналитик үҙәк менән берлектә эшләү тураһында документҡа ҡул ҡуйылды. Башҡортостан - был үҙәк менән эшләү принциптарын нығытыусы унынсы төбәк. Республиканың социаль-иҡтисади һәм ғилми-техник үҫеш буйынса  мәғлүмәттәре илебеҙ етәкселегенә тәҡдимдәр әҙерләүҙә файҙаланыласаҡ. Ә Башҡортостан иһә Аналитик үҙәк төҙөгән һөҙөмтәле продукттар менән ҡуллана аласаҡ. 

Дмитрий Чернышенко менән Радий Хәбиров ЦУР эшмәкәрлеге менән танышты.

Вице-премьер күргәненә бик ҡәнәғәт ҡалыуын билдәләне:

– Ил буйлап йөрөгәндә һәр ваҡыт төбәктәр менән идара итеү үҙәктәрен ҡарайым. Башҡортостандағы кеүек берҙәм ЦУР-ҙы һәм Башлыҡ командаһы кеүекте тәүгә күрәм. Республикала эшләнгән инструменттарҙы мотлаҡ таратырға кәрәк, - тине ул.

Фото: БР Башлығы сайтынан.