"Дәүләт хеҙмәттәре" порталы вәкилдәре граждандарға бер ҡасан да шылтыратмай, мәғлүмәттәр ҙә һорап яҙмай

Аккаунтты урлап, ҡулланыусының шәхси кабинетына инер өсөн улар телефон аша паролде тергеҙеү функцияһын ҡуллана. 

Бының өсөн улар аккаунтҡа кешенең телефон номерын яҙа, шунан уға шылтыратып, СМС аша килгән кодты әйтеүен һорайҙар. Кодты белеү менән яңы пароль ҡуялар, ысын ҡулланыусы үҙенең аккаунтына инә алмай.

Шылтыратыусылар үҙҙәрен "Дәүләт хеҙмәттәре" порталы вәкиле, күп функциялы үҙәк йәки пенсия фонды хеҙмәткәрҙәре итеп таныта. Популяр мессенджер аша шылтыраталар, аватаркала "Дәүләт хеҙмәттәре" порталының һүрәте тора. Кешегә шылтыратҡас, мәҫәлән, һеҙҙең белешмәгеҙ әҙер, уны алыр өсөн СМС аша килгән кодты әйтер кәрәк, тип белдерәләр.

"Дәүләт хеҙмәттәре" порталынан килгән СМС-та, кодты бер кемгә лә хәбәр итергә ярамай, тигән иҫкәртеү булһа ла, кешеләр аферистарға уны әйтәләр...

Иҫегеҙгә төшөрәбеҙ: "Дәүләт хеҙмәттәре" вәкилдәре граждандарға шылтыратып, мәғлүмәттәрҙе һорамай! Ниндәй генә код килһә лә, уны бер кемгә лә хәбәр итмәгеҙ. Уяу булығыҙ!

Фото: асыҡ сығанаҡтарҙан.