Башҡортостан Башлығы грантына ғаризалар ҡабул ителә

Ғаризалар   1 мартта ҡабул ителә башлай. Конкурс бюджетының дөйөм күләме 163 млн һум. Шул сумманан бер проект 3 млн һумға дәғүә итә ала.

  Конкурста Башҡортостан Республикаһы биләмәһендә  теркәлгән һәм  эшмәкәрлеген алып барған коммерция булмаған ойошмалар ҡатнаша ала. Уларҙың дәүләт теркәүе үткән көндән  бер йылдан күберәк юридик шәхес булып тороуы шарт.   

Коммерция булмаған ойошмалар Башҡортостан  Республикаһы биләмәһендә  түбәндәге йүнәлештәрҙең береһе буйынса  проекттарҙы тормошҡа ашырырға тейеш:

1. Социаль хеҙмәтләндереү, айырым категория граждандарға социаль ярҙам күрһәтеү һәм яҡлау;
2. Ғаиләне, әсәлекте, аталыҡты һәм балалыҡты яҡлау;
3. Мәҙәниәт һәм сәнғәт;
4. Тарихи хәтерҙе һаҡлау;
5. Граждандар йәмғиәте институтын үҫтереү;
6. Кеше һәм гражданин хоҡуғын һәм азатлығын яҡлау, шул иҫәптән иркенән мәхрүм ителгәндәрҙең дә;
7. Сәләмәтлекте һаҡлау, сәләмәт йәшәү рәүешен, физкультура менән спортты пропагандалау;
8. Фән, мәғариф һәм мәғрифәт;
9. Тирә-яҡ мөхитте һәм хайуандарҙы һаҡлау, йәшәү өсөн уңайлы мөхит булдырыу;
10. Милләт-ара һәм дин-ара килешеүҙе нығытыу.

Конкурста ҡатнашыу өсөн хөкүмәт ойошмаһы булмаған ойошма  конкурстың рәсми сайтында ғариза тултыра. Ғаризалар 30 мартҡа тиклем ҡабул ителә.