+15 °С
Облачно
Яңылыҡтар таҫмаһы
26 Февраля 2023, 11:20
Башҡортостандың Ғәҙәттән тыш хәлдәр министрлығы республикала йәшәүселәрҙе насар һауа шарттары тураһында иҫкәртә
Айырым райондарҙа ҡар, урыны менән көслө ҡар яуыуы, көндөҙ епшек, буран сығыуы, боҙлауыҡ, тимер сымдарға һәм ағастарға епшек ҡар һырыуы, елдең тиҙлеге секундына 15-20 метрға етеүе фаразлана. Юлдарҙың ҡайһы бер участкаларында 500 метрҙан күреү мөмкинлегенең кәмеүе күҙаллана.
Водителдәргә һәм йәйәүлеләргә хәүефһеҙлек ҡағиҙәләрен үтәргә кәңәш ителә. Руль артында киҫкен маневр яһарға ярамай. Мөмкинлек булһа, алыҫ араға сәфәрҙе кисектереп торорға кәрәк, әгәр был мөмкин булмаһа, яғыулыҡ, йылы әйберҙәр, аҙыҡ-түлек һәм эсемлек запасы тупларға кәрәк.
26 февралдә киске сәғәт 8-ҙән 27 сәғәт 8-гә тиклем республикала болотло һауа торошо фаразлана. Ел көньяҡтан, көньяҡ-көнбайыштан секундына 8-13 метр, урыны менән 15-20 метрға тиклем. Һауа температураһы төндә -3,-8, көндөҙ 2,-3 градус.
