Ҡан тамырҙарын таҙартыу өсөн

   Халыҡ медицинаһы тәҡдим иткән түбәндәге ысулдар инфаркт, инсульт кеүек  ҡурҡыныс сирҙәрҙе иҫкәртергә ярҙам итер.

1. Ҡан тамырҙарының һығылмалылығын көсәйтеү өсөн бер балғалаҡ лимон һуты, шул уҡ күләмдә бал һәм көнбағыш майы ҡушып, ас ҡарынға эсергә. Дауаланыу курсы  10 көн. Йәки бер балғалаҡ бал менән ярты лимон һутын бутап, ¾ стакан йылы һыуға ҡушып, йоҡлар алдынан  эсергә.

     2. Ике лимонды ит үткәргес аша үткәреп, ике ҡалаҡ  бал ҡушып бутарға һәм быяла  банкаға һалып, бер тәүлек  тоторға.   Әҙер булғас, көнөнә ике-өс балғалаҡ ашар алдынан сәйгә ҡушып эсергә.  

Фото:Т.Аманов.