Батыр егет хөрмәтенә - таҡтаташ

Был изге эшкә уның бергә уҡыған класташтары бағымсы булды. М.Шайморатов исемендәге башҡорт батальоны яугиренә иҫтәлек булып таҡтаташ уның уҡыған мәктәбендә урын алды.

Хәтер сараһында ауыл халҡы, мәктәп коллективы, И.Иманғоловтың әсәһе һәм яҡындары ҡатнашты. Был көндө ап-аҡ ҡарҙар яуған мәлдә, данлыҡлы "Шайморатов генерал" йыры аҫтында аҡ япма асылды һәм барыһына ла шат йылмайып Илшат ҡараны. Уға әле йәшәргә лә, йәшәргә ине...

Ауылдашыбыҙ данын киләсәк быуын белер, ошо иҫтәлекле урында хәрби патриотик тәрбиә дәрестәре уҙыр, яҡташтар ҙа онотмаҫ.