+25 °С
Облачно
Яңылыҡтар таҫмаһы
18 Февраля 2023, 15:45
Мутлашыусылар әүҙемләшкән
Өфөнән 24 йәшлек егеткә социаль селтәр аша билдәһеҙ кеше, һеҙ ҡиммәтле кеҫә телефонын оттоғоҙ, тип яҙып ебәргән. Тик уны алыр өсөн, йәнәһе лә, 13 процент һалым түләргә, почта һәм курьер хеҙмәттәре өсөн 65 мең һум аҡса түләргә кәрәк. Отошҡа ҡыуанған егет, уны-быны уйламай, кәрәкле сумманы йыйған да, төрлө абонент номерҙарға, иҫәптәргә күсергән. Әммә вәғәҙә ителгән гаджетты төшөндә генә күрергә насип иткән шул уға...
Мутлашыусылар әүҙемләшкән
Баш ҡалала йәшәгән 31 йәшлек ҡатынға ялған "банк хеҙмәткәре" шылтыратып, иҫәбендәге шикле әүҙемлек тураһында хәбәр иткән, быны туҡтатыр өсөн, имеш тә, йәһәтерәк кредит алырға кәрәк. Ҡатын аферисты тыңлап, бер миллион һумдан ашыуыраҡ кредит алған, аҡсаларҙы "хәүефһеҙ" иҫәпкә күсергән.
Тәүлек эсендә муттар 24 кешене ете миллион һумдан ашыуыраҡ суммаға алдаған.
Фото: БР буйынса ЭЭМ матбуғат хеҙмәте.
