38 йәшлек ир танышына бысаҡ менән һөжүм иткән

13 февралгә ҡарай төндә 38 йәшлек ғәйепләнеүсе Баҡалы урамындағы кафе янында 37 йәшлек ир менән һүҙгә килешкән. Ғәйепләнеүсе танышының эсенә, ҡулына һәм аяғына кәмендә өс тапҡыр бысаҡ менән сәнскән. Зыян күреүсенең таныштары уны конфликт урынынан алып киткән һәм ашығыс ярҙам хеҙмәткәрҙәренә тапшырған.

Зыян күреүсе иҫән ҡала, әле ул дауаханала ята. Ғәйепләнеүсе тиҙҙән өйөндә ҡулға алына. Енәйәтсе һаҡ аҫтына алынған. Тикшереү дауам итә.

Фото: Т. Аманов