Илеш районында 1 200 һыйырға иҫәпләнгән һөт фермаһы төҙөлә башлаясаҡ

Өфөлә үткән Халыҡ-ара бизнес аҙналығында ошо башланғысты тормошҡа ашырыу тураһындағы килешеүгә ҡул ҡуйылды. 1,3 миллиард һумлыҡ инвестиция проекты 40 яңы эш урыны булдырырға мөмкинлек бирәсәк.

"Үҙәк" МТС-ы филиалы директоры Рим Шәмсетдинов былтыр майҙансыҡта бөтә әҙерлек эштәрен тамамланыҡ, тип һөйләне. 2023 йылдың мартында малсылыҡ комплексына документтар дәүләт экспертизаһын үтәсәк, майҙа төҙөүселәр яңы ферманың корпустарын төҙөй башлаясаҡ. Комплексҡа ике һыйыр аҙбары, быҙаулатыу бүлексәһе, һыйыр һауыу-һөт блогы һәм ярҙамсы биналар инә.

Монтаж эштәрен 2025 йылға тамамлау күҙаллана. Предприятиеның етештереү ҡеүәте - йылына 11 мең тонна һөт. Эш башланғандан һуң яңы комплекс "Үҙәк" МТС-ының 900 һыйырға иҫәпләнгән комплексы менән берләштерелә, ул күрше майҙансыҡта урынлашҡан. Башҡортостан Башлығы аграрийҙарҙың пландарын хупланы.

Фото: https://glavarb.ru/rus/press_serv/novosti/161697.html