"Кесе Ватан мәҙәниәте" ауыл клубтарына һәм театрҙарға ярҙам итеүен дауам итә

Быйылғы йылға "Кесе Ватан мәҙәниәте" программаһы буйынса беҙҙең республика өсөн фидераль бюджеттан 71 миллион һумдан күберәк аҡса бүленә, ә төбәк ҡаҙнаһынан финанслау 14 миллион һумға яҡын буласаҡ.

"Театр - балаларға" йүнәлешенә - 9143700 һум, "Бәләкәй ҡалалар театры" на - 9828100 һум аҡса бүленә. Шулай уҡ былтыр сәхнәләштерелгән спектаклдәр буйынса Өфөлә март айында театр декадаһы ойоштороласаҡ. Ә "Ауыл мәҙәниәт йорто" программаһы буйынса 15 райондан 98 клуб ярҙам аласаҡ. Был турала "Кесе Ватан мәҙәниәте" федераль партия проектының Ижтимағи советы ултырышында фекер алыштылар.