+13 °С
Облачно
Яңылыҡтар таҫмаһы
7 Февраля 2023, 16:22
Ата- әсәләр өсөн файҙалы кәңәштәр
Баланы дөрөҫ тәрбиәләү мөһим. Бының өсөн ваҡытында маҡтай ҙа, тәнҡитләй белеү ҙә кәрәк.
Ата- әсәләр өсөн файҙалы кәңәштәр
- Иң мөһим кәңәш – баланы кешеләр алдында маҡтарға, яңғыҙ ҡалғанда ғына тәнҡитләргә!
- Быныһы ла мөһим – баланы түгел, ә уның ҡылған эшен тәнҡитләргә!
- Бөтә ғаилә ағзалары менән балаға “ябырылмаҫҡа”!
- Атаһы әрләгәс тә йәлләргә ашыҡмайбыҙ, күпмелер ваҡыт урталыҡты һаҡлағыҙ.
- Ғаиләгә ҡағылышлы мәсьәләләр буйынса бала менән дә кәңәшләшергә кәрәк. Мәҫәлән, төшкө ашҡа нимә бешерергә йәки ял көндәрен нисек үткәрергә һ.б.
- Ғаиләлә уңышлы һөйләшеүҙәр алып барыу йолаһын булдырығыҙ. Ололар менән бергә ҡарар ҡабул иткәндә баланың үҙен нисек тойоуы хаҡында һорашығыҙ.
- Балаларға йышыраҡ уларҙы нисек яратыуығыҙ тураһында әйтегеҙ.
- Иң беренсе сиратта балаға һәм уның ҡылыҡтарына мөнәсәбәтегеҙҙе бүлеп ҡарарға өйрәнегеҙ.
- Уның уңыштары һәм шуның һөҙөмтәһендә барлыҡҡа килгән хис-тойғолары менән ҡыҙыҡһынығыҙ.
- Бәләкәй генә нәмә өсөн дә балағыҙҙы йышыраҡ маҡтағыҙ һәм нимә өсөн маҡтауығыҙҙы аңлатығыҙ. “Яҡшы уҡыусы”, “ижади малай”, “бөхтә ҡыҙ”, “тырыш кеше” тигән кеүек һүҙҙәрҙе йәлләмәгеҙ.
- Балағыҙ һеҙгә үпкәләгән икән, ғәфү үтенегеҙ һәм уны нисек ныҡ яратыуығыҙҙы әйтегеҙ. Балаһы алдында ғәфү үтенә белгән ата-әсә үҙенә хөрмәт кенә уята һәм үҙ-ара мөнәсәбәттәрегеҙ ҙә яҡынайыр.
- Баланың аҡса иҫәпләй, тотона һәм һатып лаған әйберҙән ҡәнәғәтлек кисерә алыуы мөһим. Ғаилә аҡсаһына, эшләгән кешенең хеҙмәтенә яуаплы ҡарарға өйрәтегеҙ, шул саҡта ул аҡса эшләргә лә , ғаиләһен аҫрарға ла өйрәнер.
