Беҙҙең табиптың хеҙмәте юғары баһаланды

Был сара Халыҡ-ара яман шешкә ҡаршы көрәш көнөнә арналған. Премия табиптарға, ирекмәндәргә, йәмәғәт эшмәкәрҙәренә һәм хәйриә ойошмаларына бирелә.

Елена Михайловна онкодиспансерҙа торакаль хирургия бүлегендә 20 йыл тирәһе терапевт булып эшләгәндән һуң табип-психотерапевт һөнәренә уҡый. Ул эшендә шәхси, төркөм психотерапияһы, палаталарҙа әңгәмә үткәрә, лекциялар уҡый. Табип үҙ-ара ярҙам итеү чаттарында ла кәңәштәрен еткерә. Елена Курбановская Өфө епархияһында ла эшләй.

Уны һөнәрҙәштәре лә юғары баһалай, пациенттарға яҡшы мөғәләмә итә тип әйтә.