Хатаһын аңлап, төҙәлһә ярай ҙа...

Стәрлетамаҡта "Яҡынығыҙ бәләгә тарыны" схемаһы буйынса ололарҙы алдап, уларҙың аҡсаһын алып йөрөгән курьер тотолған. Намыҫһыҙ егеткә ни бары 17 генә йәш. Ул Стәрлетамаҡ районынан.

Мутлашыусылар тәүҙә 81 йәшлек әбейҙе алдап, уның 70 мең һум аҡсаһын һыпырғандар, шунан 93 йәшлек бабайҙың 150 мең һум аҡсаһын алғандар.

РФ ЭЭМ Стәрлетамаҡ ҡалаһы буйынса идаралығының енәйәтте тикшереү бүлеге хеҙмәткәрҙәре оператив-эҙләү саралары барышында уны тотҡас, егет үҙ ғәйебен таныған. Уға ҡарата енәйәт эше асылған.

Был турала Стәрлетамаҡтан Эльвина Богданова хәбәр итә.

Фото: БР буйынса ЭЭМ матбуғат хеҙмәте.