Әсә көтә улын

Ваҡыт үтә - әсә бер урында Оҙон уйҙар нимә турында? Ни шыбырҙай кипкән ирендәре, Ниндәй фото хәлһеҙ ҡулында?   Ә аңында һаман бер үк уйҙар - Нисек икән унда улҡайы ? Ас түгелме икән тамаҡҡайы, Тыныс микән барған юлҡайы?   Мәңге - мәңге шулай ҡабатланған - Булып торған дәһшәт - һуғыштар Ә әсәләр көткән уландарын - Йөрәктәргә тулған һағыштар.   Балаһына әсә ғүмер бирә, Үҫтерә ул ҡосоп - иркәләп Уята ул татлы йоҡоһонан: Ғәзизенә матур көн теләп   Батҡан әсә ауыр уйҙарына Фото һыйпай нескә ҡулдары. Бала өсөн бар һынауға әҙер - Тере генә ҡайтһын ни бары! Сынтимер Юлуев

Әсә көтә улын