Ауылдың уңған хужабикәләре бәйләм бәйләп, ҡыҙыҡлы хәлдәр хаҡында һөйләшеп, кәңәштәр биреп, төрлө ризыҡ рецепты менән бүлешеп, йәшлек йылдары хәтирәләре менән уртаҡлашты.
Әйткәндәй, Яныш ауылы быйыл «Айыҡ ауыл» республика конкурсында ла ҡатнаша. Ауыл халҡы өсөн әленән-әле төрлө мәҙәни, спорт сараһы үткәрелеп тора. Мәҫәлән, яңыраҡ Олимпия резервындағы спорт мәктәбендә ГТО комплексы нормативын тапшырыу буйынса спорт ярышы ойошторолдо. Ә ауылы мәҙәниәт йортонда педагогик хеҙмәт ветераны Әлфиә Хөснулла ҡыҙы Ғәҙелшина "Башҡорт ҡатын-ҡыҙҙарының түшелдеректәрен стилләштереү" тип аталған оҫталыҡ дәресе үткәрҙе.
Фото: Т. Аманов