"Башҡортостан продукты" проекты дипломанттары федераль селтәрҙәрҙә урынын киңәйтә

«Башҡортостан продукты» проекты дипломанттары үҙ тауарҙарын федераль селтәрҙәргә күберәк сығара башлай. «Магнит» сауҙа селтәрендә өҫтәмә майҙан булдырыласаҡ. Бынан ары беҙҙең брендтың продукцияһы сәй, бал, икмәк-булка бүлектәрендә ҡуйыласаҡ.

Махсус урындар (специальные стойки) республикалағы 186 «Магнит» магазиндарында барлыҡҡа килгән. Ҙур сауҙа селтәре урындағы етештереүселәр менән хеҙмәттәшлекте үҫтереү яҡлы.

Әйткәндәй, бөгөн беҙҙә 678 етештереүсе «Башҡортостан продукты» проекты дипломанты. 25 меңдән ашыу төрлө тауар ошо билдә менән һатыла.

Фото: БР Хөкүмәте сайтынан.