"Башҡаса булдыра алманыҡ"

Учалы ауылынан Урал Ғиззәтуллин менән Сәфәрҙән Вадим Ғәлин 12 ғинуарҙа СВО-ла булған яҡташтарға гуманитар йөк алып барҙы. 2250 саҡрым араны, блокпостар, тикшереүҙәр аша үтеп, һуғыш барған Кременная ҡалаһына барып етә, егеттәргә үҙ ҡулдары менән күстәнәстәрҙе тапшыра. Уйламағанда Учалынан килеп еткән, бик кәрәкле әйберҙәр, өй күстәнәстәрен килтергән яҡташтарын күргән яугирҙар, нисек килеп еттегеҙ, тип аптырап бөтә алмайҙар, ә үҙҙәре ҡыуаныстан ҡояш кеүек балҡый. Тепловизор һәм "УАЗ" машинаһына мохтажлыҡ кисереүҙәрен әйтәләр. Вадимдың ҡатыны Юлиә шунда уҡ аҡса йыйыуҙы иғлан итә, һәр тин өсөн минутында отчет биреп бара: "Бөтә аҡсалар ҙа егеттәр өсөн тотоноласаҡ!" Һәм аҡса йыйылып, ике тепловизор һатып алынғас, Урал менән өс егет 28 ғинуарҙа тағы СВО-ға юлланды. Әлеге мәлдә улар посылкаларҙы алып барып еткереп, кире ҡайтып бара. Унда төндәр беҙҙәге кеүек түгел, дөм-ҡараңғы - эргәңдә торған кешене күрмәйһең, шуға ла тепловизорһыҙ бер нисек тә булмай, тиҙәр.

"Башҡаса булдыра алманыҡ"