Медицинаны үҫтереүгә ҙур иғтибар бирелә

. ✅Һуңғы өс йылда республикала 250 ФАП, 5 ауыл табип амбулаторияһы төҙөлдө һәм файҙаланыуға тапшырылды. Балалар өсөн Мәсәғүттә, Ҡырмыҫҡалыла, Баймаҡта - поликлиникалар, Оло Ыҡтамакта дауахана эшләй башлаясаҡ. Беренсел звеноның һәм ашығыс медицина ярҙамы хеҙмәтенең табиптары һәм медицина хеҙмәткәрҙәре РФ Президенты ҡарары буйынса эш хаҡына өҫтәмә түләү аласаҡ. ✅ Ауылда йәшәүсе яҡташтарыбыҙға 2025 йылға тиклем федераль программа сараларын тормошҡа ашырыуға 18 млрд һум аҡса бүленәсәк, шуның 10,5 млрд һумы - һаулыҡ һаҡлау объекттарын төҙөүгә. ✅Беҙҙә ауырыуҙарҙы, шул иҫәптән онкологияны иҫкәртеүгә ҙур иғтибар бирелә. Быйыл Республика балалар клиник дауаханаһының Балалар онкологияһы һәм гематологияһы үҙәге асыла. Яман шеш менән ауырыусы пациенттарға ярҙам күрһәтеүсе тағы ла 7 учреждениены кәрәкле ҡорамалдар менән тәьмин иттек. Үҙебеҙҙең һаулыҡ һаҡлау системаһының базаһын үҫтерәсәкбеҙ. Һүҙ импортҡа алмашҡа технологиялар, дарыуҙар, ҡорамалдар етештереү тураһында бара. «Фармстандарт-УфаВИТА» заводында гемофилияға ҡаршы препарат етештереү буйынса яңы цех асылды. Табипҡа яҙылғандан алып бөтә дауалау этаптарын һәм реабилитация үтеугә тиклем уңайлы булһын өсөн барыһын да эшләйәсәкбеҙ.