Янғындар...

Бөгөн төндә, 04:21 сәғ., Дәүләкән районының Дүртөйлө ауылында йорт янған. Янғын һүндереүселәр килеп еткәнгә тиклем ауылдаштары 1961 йылғы ирҙе янған өй эсенән алып сыҡҡан. Ашығыс медицина ярҙамы бригадаһы менән ир Дәүләкән үҙәк район дауаханаһының реанимация бүлегенә оҙатылған. Табиптар уның хәлен бик ауыр тип баһалай. Янғын сәбәптәрен асыҡлап, урында Рәсәй Ғәҙәттән тыш хәлдәр министрлығы тәүтикшереүсеһе эшләй.

Янғындар...

Бөгөн көндөҙ Өфөнөң Кисловодск урамында ике йорт янып киткән. Урында Рәсәй Ғәҙәттән тыш хәлдәр министрлығы көстәре һәм саралары эшләй. Йорттар үтә тығыҙ ултырғас, башҡа өйҙәргә лә ут таралыу хәүефе янай. Янғынды һүндереүгә 25 кеше һәм 7 берәмек техника йәлеп ителгән. Әлегә бер кешенең уттан зыян күреүе билдәле.

Янғын сәбәптәре асыҡлана.

Уҙған тәүлектә 6 техноген янғын сыҡҡан, шуларҙың бишәүһе торлаҡ секторында булған.

Фото: МЧС РБ.