Зәйнәб Биишева исемендәге премияға кемдәр лайыҡ булды?

Күгәрсен районы хакимиәте башлығы Марат Исҡужин социаль селтәрҙә хәбәр итеүенсә, кисә Туйөмбәт ауылында Башҡортостандың халыҡ яҙыусыһы Зәйнәб Биишева исемендәге әҙәби премия тапшырыу тантанаһы үткән.

Быйыл абруйлы премияға

- Бөйөк Ватан һуғышы ветерандары, яугир-интернационалистар, райондың билдәле шәхестәре тураһындағы "Тарихта ҡалыр исемдәр" тигән китабы һәм Зәйнәб Биишеваның ижады, хеҙмәт юлы хаҡындағы публицистикаһы өсөн Күгәрсен районы "Мораҙым" гәзитенең яуаплы секретары Гөлназ Сәйетбатталова;

- Зәйнәб Биишеваның ижади мираҫын таратыу, популярлаштырыуға, йәш быуында илһөйәрлек тәрбиәләүгә индергән тос өлөшө өсөн Мораҡ 1-се дөйөм белем биреү мәктәбенең рус теле һәм әһәбиәте уҡытыусыһы Алһыу Хәлитова

лайыҡ булды.

Лауреаттарҙы ҡотлайбыҙ!

Фото: vk.com (Марат Искужин).