Алтынсы саҡырылыш Ҡоролтайҙың әлеге ултырышында СВО-ла ҡатнашыусылар һәм уларҙың ғаиләләренә 30 ярҙам сараһы тикшерелде. Айырыуса балалар һәм үҫмерҙәр иғтибар уртаһында.
Вице-премьер - финанс министры Лира Иғтисамова белдереүенсә, яңы йыл башына 2,8 мең бала балалар баҡсаһына бушлай йөрөй, 2,2 мең уҡыусы һәм 500 колледж студенты бушлай йылы аш менән тәьмин ителгән. Шулай уҡ уҡыусылар һәм 23 йәшкә тиклемге студенттар йәмәғәт транспортында ла буш йөрөү хоҡуғына эйә..
Махсус хәрби операцияла ҡатнашыусыларҙың яҡындары медицина ярҙамы ла ала. 8000 тирәһе кеше ТКО буйынса түләүҙән азат ителгән.
Фото: БР Башлығы сайтынан.