«Алга» айырым иҡтисад зонаһында буласаҡ «М Синтез» заводы тураһында һүҙ. Төҙөлөш былтыр башланған, әле биналар ҡалҡып килә. Эштәр тулыһынса 2024 йылдың декабренә тамамланасаҡ.
Республика етәксеһе социаль селтәрҙә былай тип яҙған:
“Бында («М Синтез»да) дизель яғыулығы өсөн ЦПП (цетаноповышающая присадка) етештерәсәк. Ул яғыулыҡты экономиялауға, зарарлы матдәләрҙе кәметеүгә булышлыҡ итә, двигатель эшен дә һөҙөмтәлерәк итә. Предприятиеның ҡеүәте – йылына 30 мең тонна буласаҡ. Сеймал – үҙебеҙҙән. Төп килтереүсеһе – «Газпром нефтехим Салауат».
Башҡортостан илдә үҙенең нефть һәм нефтехимия үҙәге булыуын иҫбатлай Рәхмәт санкцияларға – импортты алмаштырыуға эшләйбеҙ”.
Фото: vk.com (Радий Хабиров).