+14 °С
Облачно
Яңылыҡтар таҫмаһы
26 Января 2023, 05:38
Президент хупланы
Рәсәй Президенты Владимир Путин Бөтә донъя студенттар һәм йәштәр фестивален үткәреү ниәтен хуплауын белдерҙе. Иҫегеҙҙәлер, ул ҙур сара 2017 йылда Сочиҙа үткәйне. Йәштәргә бик оҡшаған һәм тағы ойоштороуҙы теләйҙәр.
Президент хупланы
Владимир Путин РУДН студенты Дарья Семенованың тәҡдимен хупланы. Тик бөгөнгө шарттарҙа фестивалде уҙғарыу еңелдән булмаясаҡ.
– Идея үҙе дөрөҫ, беҙ уға булышлыҡ итербеҙ, - тине Путин. - Әммә күп нәмә властарҙың теләгәненә түгел, ә ҡатнашыусыларға, халыҡ-ара ойошмаларға ла бәйле.
Президент белдереүенсә, ундай саралар кешеләрҙе берләштерә һәм яҡшы һөҙөмтәләр менән тамамлана.
- Иң тәүҙә тәғәйен халыҡ-ара структуралар менән бәйләнеште көйләргә, федераль үҙәк мөмкинлектәрен мобилизацияларға кәрәк, шулай уҡ төбәк властарының хуплауы ла мөһим, - тине ил башлығы.
Владимир Путин Рәсәйҙең халыҡ-ара сараларҙы юғары кимәлдә ойоштороуын да билдәләне.
