Башҡортостан Башлығы шайморатовсыларҙы ҡабул итте

Улар тиҙҙән СВО биләмәһенә кире китәсәк. Ә һөйләшеү темаһы - яугирҙарҙың ғаиләләренә ярҙам мәсьәләһе.

Батальон етәкселеге иғтибар һәм ярҙам өсөн Радий Хәбировҡа рәхмәт белдерҙе. Республика, үҙ сиратында, гуманитар ылау ебәреүен дауам итәсәк.

Шайморатовсылар ярҙам күрһәткән һәр кемгә рәхмәтле - ойоҡбаштар бәйләп һалыусыларға, сетка әҙерләп ебәреүселәргә, кейем-һалым, экипировка менән ярҙам итеүселәргә.

- Беҙ һеҙҙе өйҙә көтәбеҙ. Әлбиттә, реабилитация өсөн дә әҙерлек бара, шифаханалар реестры булдырҙыҡ. Һеҙҙең менән артабан да эшләйәсәкбеҙ, - тине Башҡортостан Башлығы.

Фото: БР Башлығы сайтынан.