Бөтә яңылыҡтар
Яңылыҡтар таҫмаһы
25 Ғинуар , 13:30

Юл фажиғәләре - 24 ғинуар

Уҙған тәүлектә республика юлдарында алты автомобиль аварияһы теркәлгән, уларҙа алты кеше йәрәхәтләнгән. Бер тәүлектә Дәүләт автоинспекцияһы хеҙмәткәрҙәре 1600-ҙән ашыу юл хәрәкәте ҡағиҙәләрен боҙоу осрағын асыҡлаған, 23 иҫерек водителде тотҡан.

Юл фажиғәләре - 24 ғинуар
Юл фажиғәләре - 24 ғинуар

Кисә Күмертау авиация етештереү предприятиеһы туҡталҡаһында иҫерек водитель "Фольксваген Поло" машинаһында "Опель Астра", "Хундай Элантра", "Шкода Рапид" һәм "Лада Гранта" автомобилдәрен төкөгән. 48 йәшлек иргә ҡарата административ материалдар төҙөгәндәр.

Бөгөн Өфөлә пассажирҙар транспорты ҡатнашлығындағы юл-транспорт ваҡиғаһы теркәлгән. Авария көндөҙгө сәғәт 12-селә Өфө-Ырымбур автомобиль юлының 1-се саҡрымында булған. ВАЗ-2104, "Некст" пассажир автобусы һәм "Кио Рио" бәрелешкән. Юл-транспорт ваҡиғаһы һөҙөмтәһендә "Кио" пассажиры йәрәхәттәр менән дауаханаға оҙатылған. Билдәле булыуынса, автобус 129к "Боҙ һарайы - Боҙаяҙ" маршруты буйынса хәрәкәт иткән, салонда 18 пассажир булған. Ваҡиға урынында Дәүләт автоинспекцияһы хеҙмәткәрҙәре һәм башҡа ашығыс хеҙмәттәр эшләй. Юл-транспорт ваҡиғаһының сәбәптәре асыҡлана.

Фото: БР ЮХХДИ.

 

Автор:Баныу Ҡаһарманова
Читайте нас в