Яугирҙарға - өй туҡмасы

Баҡалы районы хужабикәләре махсус хәрби операцияла ҡатнашыусы яҡташтарына ярҙам күрһәтеүҙә әүҙем ҡатнаша. Улар туҡмас ҡырҡып ебәрә. Бер нисә көн элек Яңы Илек оҫтабикәләре 20 ҡап әҙерләгән.

Туҡмас әҙерләү инициативаһын шәхси эшҡыуар Людмила Рыцева тәҡдим иткән. Уны туғандары һәм ауылдаштары ла хуплаған. Улар Людмила Николаевнаның әсәһе Галина Кузнецованың өйөндә йыйылып, 120 йомортҡанан ҡамыр яһап, туҡмас киҫкән.

Эстафетаны Иҫке Ҡорос ҡатындары ла дәррәү ҡабул итеп алған. Уңғандарҙың күңел йылыһы менән әҙерләгән туҡмастары ир-егеттәргә көс бирһен!

Фото: Бакалинский район Республики Башкортостан (vk.com)