Балаларҙы Көнбайыштың насар идеологияларынан һаҡлау мөһим

– Закон проектында балалар һәм үҫмерҙәр араһында «чайлдфри» идеологияһын таратыуҙы тыйыу тәҡдим ителә, – тип комментарий бирҙе Дәүләт Йыйылышы – Ҡоролтай Рәйесе Константин Толкачев.

Был турала парламенттың матбуғат хеҙмәте хәбәр итә.

Константин Толкачев һүҙҙәренсә, документ Рәсәйҙең Закондар сығарыусылар Советында, шулай уҡ Дәүләт Думаһының Ғаилә, ҡатын-ҡыҙҙар һәм балалар мәсьәләләр буйынса профилле комитетында хуплау тапҡан. Шул уҡ ваҡытта «бала табыуҙан ирекле рәүештә баш тартыу» һәм «балаһыҙлыҡ идеологияһы» төшөнсәләрен аныҡлау мөһим. 

Эльвира Айытҡолова билдәләүенсә, закон проектын Дәүләт Думаһына индергән ваҡыттан тәҡдимдең көнүҙәклеге тағы ла артҡан.