Ҡыҙына шылтыратһасы...

Туймазыла йәшәгән 83 йәшлек әбейгә ялған "хоҡуҡ һаҡлау органдары хеҙмәткәре" шылтыратып, ҡыҙығыҙ арҡаһында авария булды, зыян күреүселәргә аҡса түләһәгеҙ, уға ҡарата енәйәт эше асылмаясаҡ, тип хәбәр итә. Тиҙ арала 300 мең һум йыйып бирергә, шулай уҡ бәҙрәф ҡағыҙы, ике таҫтамал һәм һабын әҙерләп ҡуйырға ҡуша. Әбей ҡыҙына шылтыратып белешер урынға, ҡушылғанды үтәй башлай.

Бер аҙҙан аҡса һәм әйберҙәр артынан курьер килә. Пакетты тоттороп сығарғас ҡына әбей ҡыҙына шылтыратып, алданыуын, муттарҙың тоҙағына эләгеүен аңлай.

Әлеге ваҡытта полиция хеҙмәткәрҙәре курьерҙы эҙләй. Уның билдәләре: ҡарамаҡҡа 25-30 йәш, буйы яҡынса 170 см, ҡаҡса кәүҙәле. Капюшонһыҙ ҡара төҫтәге куртка, ҡара салбар, башлыҡ кейгән булған.

Әгәр һеҙ ошо билдәләргә тап килгән берәй кешене күргәнегеҙ булһа йәки уның ҡайҙа икәнлеген белһәгеҙ, был турала полицияға хәбәр итеүегеҙҙе һорайбыҙ.

Оло йәштәге яҡындарығыҙҙы муттар хаҡында иҫкәртегеҙ - теләһә кемдәргә аҡса бирмәһендәр!

Фото: асыҡ сығанаҡтарҙан.

Автор:Баныу Ҡаһарманова

Читайте нас:

1917-2024 "Йәшлек" гәзите

Бөтә хоҡуҡтар яҡланған

Мәҡәләләрҙе ҡулланғанда "Йәшлек" гәзитенә һылтанма яһау мотлаҡ

Телефон

8(347)273-46-38

Электрон почта

[email protected]

Адресы

Өфө ҡалаһы, Октябрҙең 50 йыллығы урамы, 13, 8-се ҡат

Реклама хеҙмәте

89174755304

Редакция

8(347)273-52-08

Ҡабул итеү бүлмәһе

8(347)273-46-38

Хеҙмәттәшлек

8(347)273-56-45