Тормоштағы ҡыҙыҡлы сағыштырыуҙарым

✅ Элек бәҙрәфтә гәзит уҡый инек, хәҙер бәҙрәфтә телефонда ултырабыҙ.✅ Элек кистән балалар йоҡламаһа бабай алып китә ине, хәҙер күршеләр стена шаҡый.✅ Элек мәктәпкә августа ғына кейем ала инек, хәҙер көн һайын.✅ Элек кейемде ике - өс размерға ҙурҙы, биш йылға етерлек итеп алһалар илағы килә ине, хәҙер "оверзайс" (ҡапсыҡ кеүек кейемдәр), балалар шулай кейенгәнгә илағы килә.✅ Элек күршенең баҡсаһынан алма, ҡыяр, помидор урлай инек, хәҙер күршенең вай-файын.✅ Элек ике генә алмаш кейем әллә нисә йылға етә ине, хәҙер ете шкаф кейем, кейергә кейем юҡ.✅ Элек йылғала эсәк йыуа, кер сайҡай, балаҫ, машина йыуа инек, хәҙер штраф.✅ Элек йәй буйы ҡулдар себешләй ине, хәҙер телефонға күп баҫҡылап, сөйәл сыға.✅ Элек ҡар яуғансы баҫыуҙа кишер, сөгөлдөр сығарҙыҡ, хәҙер мәктәптә иҙән йыуҙырһалар, ҡар көрәтһәләр, эш судҡа барып етә...✅ Элек тәҙәләргә буран һүрәт төшөрөп китә ине, хәҙер пластик тәҙрәләргә төшөрмәй.✅ Элек йәй буйы йылғала малайҙар һыуға батыра торғайны, хәҙер балалар йөҙә лә белмәй.✅ Элек ауылдарҙа ут һүнһә, ҙур шатлыҡ, тау шыуабыҙ, сәпмә уйнай инек, хәҙер ут һүнһә Хабировҡа яҙабыҙ.✅ Элек күрше ауылға ла хаттар яҙа инек өсәр табаҡ тултырып, хәҙер икенсе илдән дә видеозвонок .✅ Элек 3-5 км күрше ауылға сатлама һыуыҡтарҙа ла бер ҡат ыштан менән ейәү йөрөп уҡыныҡ, хәҙер мәктәп өй ҡырында, такси саҡыртабыҙ.✅ Элек "только после свадьбы!" ине, хәҙер сығып тормаһа ла ярай, главное бала тапһын.✅ Элек мәктәп ашханаһында ашау оло бәхет ине, хәҙер мәктәптә ашамаҫ өсөн мең сәбәп.✅ Элек телевизор ҡарар өсөн башына йоҙроҡлап һуға инек, хәҙер Алисаға әйтһәң, үҙе ебәрә.✅ Элек ашар өсөн йәшәй инек, хәҙер йәшәр өсөн ашайбыҙ.✅ Элек ҡунаҡ килһә бүлмәнән сыҡмай инек, хәҙер иң тәүҙә, түрҙә балалар ашай.✅ Элек мәктәпкә бармаҫ өсөн градусникты торбаға, йә эҫе һыуға тыға инек, хәҙер бармаһаң барма, но дистанционно уҡы.✅ Элек беҙ физика, математика, химиЯ фәндәрен башҡортса уҡыныҡ, кәсер бер, һелтә (щёлоч), тигеҙләмә тип, хәҙер ҡушабыҙ,алабыҙ, бүләбеҙ тиһәң, бала аптырап ҡарай.😁✅ Элек өй эшен өйгә ҡайтҡансы, мәктәптә, тәнәфестә үк эшләй инек, хәҙер төнгө 12лә.✅ Элек ата - әсәләр йыйылышына журнал ҡарарға бара инеләр, хәҙер журнал телефонда.✅ Элек ата - әсәләр йыйылышы етһә балалар ҡурҡа ине, хәҙер аҡсам етһә ярай ине тип, ата - әсәйҙәр ҡурҡып бара.✅ Элек Ҡыш бабайҙың ҡыҙыл тоҡсайындағы лимон кәнфит менән ал прәникте шиғыр һөйләп алып, ҡыуана инек, хәҙер, дүрт балаға ике ай алдан интернет аша айфон - майфондан алып....заказать итеп, көтөп...ҡыҫҡаһы, аҡсаң ғына етһен, Хоҙай ярҙам бирһен ! 😁 Йәгеҙ, тағы ниндәй ҡыҙыҡлы иҫтәлектәрегеҙ бар, яҙығыҙ әле.😊Улар күп.Быныһы бер...Ә бына беҙҙең балалар олоғайғас ейәндәренә нимә тиер икән??? Вәәәт бер ваҡыт вацап, инсаграмм бер сутка эшләмәне, УЖАААС , тиерме???))) (Альбина Муллағол)

Тормоштағы ҡыҙыҡлы сағыштырыуҙарым