«Изгелек» физкультура һәм спортты үҫтереү буйынса спорт клубы «Самбоның сиге юҡ» проектын тормошҡа ашырыу сиктәрендә, инвалид балалар өсөн бушлай күнекмәләр үткәрә. 7 йәштән 18 йәшкә тиклем балалар — үҙ-үҙеңде яҡлау секцияларында, 13 йәштән 18 йәшкә тиклем үҫмерҙәр Нуғай ҡасабаһында тренажерҙар залында шөғөлләнәсәк.
Күнекмәләргә 13-сө Өфө коррекция мәктәп-интернаты һәм баш ҡаланың 147-се урта дөйөм белем биреү мәктәбе уҡыусылары, шулай уҡ Жилин, Зинин ауылдарында йәшәүсе балалар саҡырыла.
Улар менән квалификациялы уҡытыусы-тренерҙар шөғөлләнә. 8 987 583 77 89 телефон һандары буйынса яҙылырға мөмкин.