Юл фажиғәләре - 16 ғинуар

Уҙған тәүлектә республика юлдарында алты автомобиль аварияһы теркәлгән, уларҙа ете кеше йәрәхәтләнгән. Дәүләт автоинспекцияһы хеҙмәткәрҙәре тарафынан 1300-ҙән ашыу юл хәрәкәте ҡағиҙәләрен боҙоу осрағы асыҡланған, 24 иҫерек водитель тотолған (дүртәүһе эскән килеш икенсегә эләккән).

Төштән һуң Бүздәк районында, Бүздәк-Ҡаҙаҡлар-Ҡыбау автомобиль юлының 2-се саҡрымында, Дәүләкән районынан 44 йәшлек ҡатын "Лада Калина" машинаһында юлдан осоп төшөп түңкәрелгән. Юл-транспорт ваҡиғаһы һөҙөмтәһендә ике пассажир, 44 һәм 42 йәшлек ҡатындар, төрлө йәрәхәттәр менән дауаханаға оҙатылған. Водителдең йөрөтөү стажы бер йылдан кәмерәк.

Әлеге осраҡ буйынса тикшереү бара.

Юл-транспорт ваҡиғаһына тарымаҫ өсөн водителдәргә ябай ҡағиҙәләрҙе үтәргә кәрәк: тиҙлекте арттырмаҫҡа, телефондан һөйләшмәҫкә, яҙышмаҫҡа, киҫкен маневрҙар яһамаҫҡа. Машиналар араһындағы интервалды һәм дистанцияны һаҡлап, маневрҙарҙы тыныс ҡына башҡарырға. Бер ҡасан да хәүефһеҙлек ҡайышын эләктерергә онотмағыҙ.

Барығыҙға ла хәүефһеҙ юлдар!

Фото: БР ЮХХДИ.