Герой-яҡташыма

Утлы заман өсөн тыуҙыңмы ни, Бигрәк йәшләй киттең, ай, Фәнис! Беҙ Аллаһтан килдек һәм ҡайтабыҙ, Ултырып доға ҡылайыҡ, әйҙәгеҙ.   Герой Фәнис, ҡыйыу яҡташ Фәнис! Һин – ғорурлыҡ беҙҙең йөрәктә. Илем оран һалды бар донъяға, Һиндәй ҡаһармандар кәрәктә.   Кем уйлаһын ябай ауыл улы Ҡотон алыр тиеп дошмандың!? Йәнен ептәй иттең әсирҙәрҙең, Танкын йолҡоп алдың ҡуштандың.   Яҡташтарҙы үлем тырнағынан Тартып алдың, йәнең аямай. Беҙ һине лә иҫән көткән инек, Ах! Бәғерҙәр әрней, йән ҡайнай.   Их! Әсәйеңдең йөрәк йәрәхәтен, Ниҙәр менән бәйләйек,  Фәнис? Ниндәй һүҙҙәр эҙләйек йыуатырға? Ҡайғылары бигерәк ауыр иш.   Тәтешлене донъя тарихына Уйып яҙҙың хәләл ҡан менән. Йәйәү сығып киттең Яңы Ҡайпандан, Ҡайтып индең бөйөк дан менән.   Ләйсән Кәшфи, 14 ғинуар, 2023 йыл.

Герой-яҡташыма