Фәнис Хөсәйеновтың һәләк булыуы раҫланмаған

8 ғинуарҙа социаль селтәрҙә Башҡортостандан булған Фәнис Хөсәйеновтың үлеме тураһында мәғлүмәт таралды.

Әммә рәсми рәүештә был хәбәр раҫланмаған. Фәнис тыуып үҫкән Тәтешле районы хакимиәте, бөгөнгө көнгә яугирҙың үлеме тураһында рәсми мәғлүмәт юҡ, ти.
Шулай уҡ ялған мәғлүмәттең ысынбарлыҡта булмаған кешеләрҙең аккаунттарынан таратылғанын билдәләй.
- Ошо көндәрҙә интернет киңлектәрендә Тәтешле районына 12 табут ҡайтасағы тураһында ялған яңылыҡ таратылды,- тип тә хәбәр иттеләр хакимиәттә. Районда был дошмандың провокацияһы тип билдәләйҙәр.

Көнүҙәк һәм тикшерелгән бөтә мәғлүмәт урындағы хакимиәттең социаль селтәрҙәрендә генә баҫыла, тип тә өҫтәнеләр.

Фото: Т. Аманов