"Миловка паркы" торлаҡ комплексының дүрт йорто файҙаланыуға тапшырылды

Әлеге ваҡытта Өфө районы хакимиәте тарафынан йорттарҙы кадастр иҫәбенә ҡуйыу өсөн БР буйынса Росреестр идаралығына ведомство-ара эш итеү ярҙамында документтар пакеты ебәрелгән.

- Артабан йорттарҙың коммуналь инфраструктура объекттарын ресурстар менән тәьмин итеүсе ойошмаларға тапшырыу һәм идара итеүсе ойошма менән килешеүҙәр төҙөү буйынса эш башҡарыу бурысы тора, - тип билдәләне Башҡортостандың Өлөшсөләрҙең хоҡуҡтарын яҡлау фондының генераль директоры урынбаҫары Тимур Ғиниәтуллин.

Йорттарҙың почта адресы: Республика Башкортостан, Уфимский район, с. Миловка, Сиреневый бульвар, д. №№ 2, 4; ул. Аксакова, д. №№ 1, 3.

Иҫегеҙгә төшөрәбеҙ, фондтың күҙәтеү советы тарафынан "Миловка паркы" торлаҡ комплексының 22 йорто ҡаралған. 13-сө һәм 14-се кварталдарҙағы ике йорт буйынса аҡсалата компенсация түләү тураһында ҡарар ҡабул ителде. 2021 йылда - 10-сы кварталда 4-се һәм 5-се йорттар, 2022 йылдың йәйендә 5-се кварталдағы 2-се йорт төҙөлөп файҙаланыуға тапшырылды. 331 өлөшсөнөң хоҡуҡтары тергеҙелде.

"Миловка паркы" торлаҡ комплексының 3, 8, 9, 11-се кварталдарында өлөшсөләрҙең хоҡуҡтарын 2023 йылдың аҙағына тиклем тергеҙеү планлаштырыла.

Фото: асыҡ сығанаҡтарҙан.