Башҡортостанда 51 метан станцияһы эшләй

БР Хөкүмәте ултырышында белдереүҙәренсә, ете компания станция төҙөүгә тотонолған сығымды субсидия рәүешендә кире ҡайтарып алған.

Башҡортостан Башлығы Радий Хәбиров элегерәк социаль селтәрҙә газ-мотор яғыулығы баҙарын үҫтереү йәһәтенән 2021 йыл һөҙөмтәләре буйынса республиканың өсөнсө урында тороуын яҙғайны. Унан алдағы йылда унынсы булғанбыҙ. Ете позицияға алға һикереү – илдәге иң яҡшы үҫеш.

“Республикабыҙҙың юғары урыны – ҙур комплекслы эш һөҙөмтәһе”, – тигәйне Радий Фәрит улы. Башҡортостан 2021 йылда АГНСК һаны буйынса Ростов өлкәһе менән бергә беренсе урында торған.

Фото: vk.com