Бер юлы - өс ФАП!

Үтәгән, Ҡолош, Һыуыҡ Шишмә ауылдары халҡы был ваҡиғаны күптән көтә ине. ФАП-тар уларға ысын Яңы йыл бүләге булды.

Биналар заманса, бөтә уңайлыҡтар менән һалынған. Кәрәкле медицина ҡорамалдары, йыһаздар ҙа алынған. Халыҡты был тантаналы сарала район хакимиәте башлығы Әлфир Сабиров һәм Ҡырмыҫҡалы үҙәк район дауаханаһының баш табибы Азамат Ғәлиев та тәбрикләне.

Республикала модулле фельдшер-акушер пункттары "Һаулыҡ һаҡлау" милли проектының "Һаулыҡ һаҡлауҙың тәүге звеноһын модернизациялау" программаһына ярашлы яңыртыла, төҙөлә.

Фото: Ҡырмыҫҡалы районы хакимиәтенән.